coordinado e conducido por Xurxo Gago.
Amosando publicacións coa etiqueta Colectivo In Nave Civitas Lugrís b>. Amosar todas as publicacións
Amosando publicacións coa etiqueta Colectivo In Nave Civitas Lugrís b>. Amosar todas as publicacións
Foto: Xurxo Gago
O son da corna mariña pola rúa Real da Coruña pasou, na tardiña baixa
do sábado 20, unha peculiar manifestación.
As luminarias dos comercios despregaban toda a súa cegadora potencia de Nadal. E a clientela saía
desconcertada ás portas, chamada polos sons dunha ducia de buguinas e
unhas estrañas consignas. Berrabamos: "¡O sol pode brillar calquera
noite!". E logo: "¡Sempre a barlovento; nunca a sotavento". E un pouco
máis adiante: "¡Menos derrotismo; máis surrealismo!". E xa entrando na
praza de María Pita: "¡Menos economía; máis poesía!".
Achegóuseme un home: -Isto qué é, ¿unha manifestación dos de Alcoa?.
-Non, señor. E unha manifestación surrealista. Faise unha homenaxe ao
pintor coruñés Urbano Lugrís, que morreu un 23 de decembro de hai 41
anos. -Ah, vale!, dixo. E quedou medio pasmarote, ollando calado esa
estraña agrupación humana.
Era o V Día Lugrís no que tiven a honra de participar. Convidado pola
asociación "In nave civitas", esta celebración percorre as rúas
coruñesas que foron máis amenas ao enorme pintor surrealista. No medio
do percorrido entramos, como non, no Café Vecchio, onde unha xigantesca
obra lugrisiá asombra e dignifica o lugar. Unha peza que, despois de
anos de deterioro, loita agora por ser recoñecida como Ben de Interese
cultural, grazas á teima da asociación O Mural.
Xurxo Souto, un dos artífices deste movemento de protesta creativa,
surrealisa e oceánica, explicaba aos clientes do Vecchio -que se
degoraban no seu lecer de tarde de sábado- o significado do mural e o
significado tamén da nosa marcha. Mentres Moncho do Orzán, co acordeón e
logo coa gaita, dirixía a súa "Rapsodia Lugrís" que entoaba a coro o
grupo manifestante: "Urbano Lugrís, / quen pintou no mar / soños dun
país!".
En 2008 tiven a oportunidade de editar un libro de Lugrís. O único
libro de Lugrís. A obra que el quixera publicar en vida, pero que non
chegara a completar. Titúlase Balada de los martes del norte e
xunta poemas, contos e ensaios, en galego e castelán, recompilados e
estudados pola profesora Olivia Rodríguez-Tudela. O libro foi tamén un
dos protagonistas -xunto co recital de Manuel Rivas, Serafín Mourelle e
Xosé Iglesias- desta quinta edición do día Lugrís.
O combate pola cultura, polo surrealismo e pola liberdade oceánica
non terá fin. Pois, como exclamou Xurxo Souto: "¡E de remate, que
continúe!".
EDITOR E XORNALISTA
Meu gran Urbano, escríboche na badía de Muros a bordo dunha goleta cargada de esmeraldas. Somentes ti podes imaxinar a marabilla que fai o sol brincado de proa a popa. O capitán é un maltés de ollos garzos, barba saladina e un amuleto de nácar sobor do peito. É un home prevenido, en Quios arrecadou corenta odres de viño brillador e temos festa decote (…) No mencer ergueremos áncoras rumbo a Amberes. ¡Ouh o pantrigo fresco, as vellas tabernas latexantes de acordeón, as tendas estrañas co seu dono de anteollos de cuncha! Mercareiche tódalas pezas de alquimista que atope. Gostaríame que viñeses comigo a contemplar as lizgairas fragatas beilando na badía...Sei que outros horizontes che entreteñen. En que navío andará agora a túa outa humanidade. Lémbrome de cando nos atopamos no porto de Nassau, navegabas entón nun cachemare de leve proa e arriscada vela. O cargamento de ron fixera a túa voz ronca e lonxana. Como queimaba o sol nas amplias praias de Xamaica. Foi alí onde coñecemos a Desdémona e a Niobe…
Velaí un dos textos máis fermosos que coñezo de toda a historia da literatura. Un fragmento da carta Gnómica que en 1959, escribiu Avilés de Taramancos ao seu amigo, o pintor Urbano Lugrís, habitantes excelsos desta cidade-barco.
Como todos os anos –menos derrotismo e máis surrealismo ! - este sábado celebraremos unha nova edición do Día Lugrís.
O colectivo literario In Nave Civitas xa ten todo disposto para que vostede se enrole na tripulación. Entre tanta luz submarina, a reivindicación. Seguimos reclamando protección e medios para restaurar o mural do mestre que campa no medio da Rúa Real, no interior do café Vecchio.
“Menos derrotismo e máis surrealismo”. O vindeiro sábado - o que pintou a Marola pintou a Mar toda !- V edición do Día Lugrís. Está subindo a marea, ti non quedes varado en seco.
SÁBADO, 20 DE DECEMBRO
17:00 A ARRIBADA DO GRAFITI (Praza José Sellier) - Solemne e lírica inauguración do grafiti que recrea unha obra de Urbano Lugrís na Praza de José Sellier, cerna da Coruña lugrisá. Seguido do tradicional OBRADOIRO DE PARAUGAS PINTADOS (Praza José Sellier) Xuntarémonos para decorar os nosos paraugas con motivos mariños e lugrisáns cos que logo percorreremos as rúas coruñesas. (Que cada quen leve o seu paraugas, as súas pinturas e toda a súa imaxinación)
17:45 MANIFESTACIÓN ATLÁNTICA E SURREAL (Praza de José Sellier-Xardín de San Carlos) Cos nosos paraugas pintados e unha serpe mariña seguiremos as alancadas diurnas e nocturnas do pintor do mar até atoparnos con a outra metade de Ulyses Fingal: Antón Avilés de Taramancos.
18:30 RECREACIÓN DO INTRE NO QUE ANTÓN AVILÉS DE TARAMANCOS COÑECEU A URBANO LUGRÍS. (Xardin de San Carlos) Coa participación de todo o público asistente e Anxo Angueira.
18:45 MANIFESTACIÓN ATLÁNTICA E SURREAL (continuación) (Xardín de San Carlos – Praza do Papagaio) Segunda parte da marcha na que chegaremos até o Papagaio, seguindo os cantos de tritóns e sereas.
20:30 A HABITACIÓN DO VELLO MARIÑO (Monty Ambigú) Recital poético mariñeiro na memoria e honra do Noso Señor Lugrís polos vates mareiros Manuel O'Rivas, Serafín Mourelle e Xosé Iglesias.
Todos os actos deste V día Lugrís son abertos.
Prégase que quen a tivera acuda cunha corna mariña para axudar a encher de sons atlánticos esta xornada e invitamos a que participedes nos actos disfrazados dalgunha das personaxes dos cadros do gran pintor sur-marino.
Máis información:
http://www.aelg.org/
http://innavecivitaslugris.blogspot.com.es/
http://www.omural.es/
Info by:
Biblioteca Central Rialeda. Concello de Oleiros
http://www.oleiros.org/web/concello-oleiros/bibliotecas/biblio/rialeda-perillo
V DÍA LUGRÍS
20 DE NADAL DE 2014
17:00 A ARRIBADA DO GRAFITI
(Praza José Sellier)
Solemne e lírica inauguración do grafiti que recrea unha
obra de Urbano Lugrís na Praza de José Sellier, cerna da Coruña lugrisá.
Seguido do
tradicional
OBRADOIRO DE PARAUGAS
PINTADOS
(Praza José Sellier)
Xuntarémonos para
decorar os nosos paraugas con motivos mariños e lugrisáns cos que logo
percorreremos as rúas coruñesas.
(Que cada quen leve o seu paraugas, as súas pinturas e toda
a súa imaxinación)
17:45 MANIFESTACIÓN ATLÁNTICA E SURREAL
(Praza de José Sellier-Xardín de San Carlos)
Cos nosos paraugas pintados e unha serpe mariña seguiremos as alancadas diurnas e nocturnas
do pintor do mar até atoparnos con a outra metade de Ulyses Fingal: Antón
Avilés de Taramancos.
18:30
RECREACIÓN
DO INTRE NO QUE ANTÓN AVILÉS DE TARAMANCOS COÑECEU A URBANO LUGRÍS.
(Xardin de San Carlos)
Coa participación de todo o público asistente
e Anxo Angueira.
18:45 MANIFESTACIÓN ATLÁNTICA E SURREAL (continuación)
(Xardín de San Carlos – Praza do Papagaio)
Segunda parte da marcha na que chegaremos até o Papagaio,
seguindo os cantos de tritóns e sereas.
19:30 A HABITACIÓN DO VELLO MARIÑO
(Monty Ambigú)
Recital poético mariñeiro na memoria e honra do Noso Señor
Lugrís polos vates mareiros Manuel O'Rivas, Serafín Mourelle e Xosé Iglesias.
Todos os actos deste V día Lugrís son abertos.
Prégase que quen a tivera acuda cunha
corna mariña para axudar a encher de
sons atlánticos esta xornada e invitamos a
que participedes nos actos disfrazados dalgunha das personaxes dos
cadros do gran pintor sur-marino.
Benquerid@s
mareantes!
Como todos os anos por estas datas o colectivo literario In
nave civitas, a asociación cultural O Mural e a asociación de escritoras e
escritores en lingua galega estamos organizando o Día Lugrís no que
celebraremos na Coruña a pintura e a poesía de Urbano Lugrís.
Entre outros actos este ano queremos deixar para tod@s @s que
pasen pola Coruña un grafiti cunha das obras do pintor do mar para o que xa
temos todo preparado.
O mural estará na parede medianeira -hoxe baleira- de praza de
José Sellier, cerna da Coruña lugrisán.
O custo orzamentado para este grafiti (artistas, pinturas,
permisos, taxas, seguros, etc...) é de 1.200 €.
Os andamios non engordan o orzamento porque grazas a xestión de
MAS arquitectura prestóunolos a empresa Desarrolla.
Queremos solicitar a vosa colaboración económica para poder
levar adiante esta obra.
Podedes ingresar os cartos na seguinte conta corrente de ABANCA:
IBAN ES30 2080 3103 1430 0002 3625
Non hai unha cantidade mínima para a achega e para facilitar as
cousas en breve os informaremos de algúns locais nos que disporemos de petos
para recoller aportacións.
Tod@s aquel@s que contribuádes poderedes -se queredes- ver o
voso nome ao pé do grafiti. Deixalo claro no concepto da transferencia ou nun
sobre ao facer a achega nun dos petos.
Nas páxinas web de In nave Civitas
(http://innavecivitaslugris.blogspot.com.es/) e
O Mural (http://www.omural.es/) publicaremos os cartos acadados e
o destino que lles damos para que tod@s poidades comprobalo.
Como sabemos que tedes xenerosidade abonda e imos conseguir
máis cartos dos precisos comprometémonos con vós a destinar o sobrante para a
organización do VI día Lugrís (2015), máis concretamente para financiar novos
grafitis lugrisáns o de inspiración mareira para a cidade da Coruña.
Grazas pola vosa colaboración e pregámosvos que difundades esta
iniciativa para poder levar a cabo esta intervención cultural cidadá.
Medre o mar!
Benquerid@s mareantes!
Como todos os anos por estas datas o
colectivo literario In nave civitas, a asociación cultural O Mural e a
asociación de escritoras e escritores en lingua galega estamos
organizando o Día Lugrís no que celebraremos na Coruña a pintura e a
poesía de Urbano Lugrís.
Entre outros actos este ano queremos deixar
para tod@s @s que pasen pola Coruña un grafiti cunha das obras do pintor
do mar para o que xa temos todos preparada. O mural estará na parede meidaneira hoxe baleira da praza de José Sellier, cerna da Coruña lugrisán.
O custo orzamentado para este grafiti (artistas, pinturas, permisos, taxas, seguros, etc...) é de 1.200 €.Os andamios non engordan o orzamento porque grazas a xestión de MAS arquitectura prestóunolos a empresa Desarrolla.
Queremos solicitar a vosa colaboración económica para poder levar adiante esta obra.
Podedes ingresar os cartos na seguinte conta corrente de ABANCA:
Podedes ingresar os cartos na seguinte conta corrente de ABANCA:
IBAN ES30 2080 3103 1430 0002 3625
Non
hai unha cantidade mínima para a achega e para facilitar as cousas en
breve os informaremos dalgúns locais nos que disporemos de petos para
recoller aportacións.
Tod@s aquel@s que contribuádes poderedes se queredes ver o voso nome ao pé do grafiti. Deixalo claro no concepto da transferencia ou nun sobre ao facer a achega nun dos petos.
Nas páxinas web de In Nave Civitas (http://innavecivitaslugris.blogspot.com.es/) e O Mural (http.//www.omural.es/) publicaremos os cartos acadados e o destino que lles damos para que todos poidades comprobalo.
Como
sabemos que tedes xenerosidade abonda e imos conseguir máis cartos dos
precisos comprometémonos con vós a destinar o sobrante para a
organización do VI día Lugrís (2015) para financiar novos grafitis
lugrisáns o de inspiración mareira para a cidade da Coruña.
Grazas
pola vosa colaboración e pregámosvos que difundades esta iniciativa para
poder levar a cabo esta intervención cultural cidadá.
Medre o mar!
Na rota Lugrís por Malpica os nosos compañeiros Rodrigo e Ana, estiveron con Gloria, a taberneira da Chega, ee esta dooulles un documento excepcional: una foto do noso señor Lugrís tomando unhas tazas na dita taberna. Foto e a listaxe das persoas que saen nela (de acordo coa memoria de Gloria). O pai de gloria foi concelleiro de Malpica polo partido socialista e estivo na cadea 3 anos a partir de 1937: mándovos tamén unhas fotos da súa acta de concelleiro e do recorte de prensa que daba conta do consello de guerra que lle fixeron.
Ao final, a intercesión do cura e outras persoas de Malpica, fixo que saíra da cadea e voltara ao bar ao que a xente comezou a chamar a Checa.
Ao final, a intercesión do cura e outras persoas de Malpica, fixo que saíra da cadea e voltara ao bar ao que a xente comezou a chamar a Checa.
Medre o mar, a memoria e todas as historias!
A xente da foto:
Urbano Lugrís na taberna A Checa, en Malpica circa 1956
Fotografía cedida por Gloria Carril na Rota Lugrís en Malpica (28/09/2014)
De esquerda a dereita:
- Mato Pet
- José Carril Rodriguez, Xosé do Cadeiro (de pé) o dono da taberna e concelleiro socialista do Concello de Malpica na II República).
- Dono da Librería San Ramón de Carballo.
- Urbano Lugrís.
- Francisco Canedo, farmaceútico de Malpica.
- un mariñeiro ao que chamaban Madrugas.
- Descoñecido.
- Outro home relacionado coa librería San Ramón de Carballo.
- Ricardo Pombo -mariñeiro- e o seu fillo.
O noso compañeiro de colectivo Rodrigo Osorio agasallounos cun mapa das pedras do mar da Torre de Hércules. Todos os nomes das pedras marcados e sinalados no seu lugar correspondente, tal e como nos ensinara no seu día en varios roteiros o sabio e mellor percebelleiro do mundo, Milucho Mariñas (DEP).
Este é o enlace ao mapa:
Medre o Mar!
"O tesouro de Punta Herminia", da autoría do noso querido Urbano Lugrís.
Aparece nas páxinas de La Voz de Galicia do 4 xaneiro de 1953, donde como comprobaredes cita algúns dos topónimos da Torre...Robaleira, Os Bicos, Altar, Punta Herminia, Punta do Orzán, Cala Corredoira ...mimadriña!, pecho os ollos, fago un viaxe no tempo e vexo a Lugrís soñando desperto co seu "Tesouro de Punta Herminia" a carón da Torre e abaixo, a poucos metros, a Milucho Mariñas collendo percebes!
Medre o mar!
Saúdos oceánicos!
Autor: Xabi Maceiras
O noso compañeiro de singraduras Xabi Maceiras, atopou este pequeno tesouro na última do Ideal Gallego do 24 de agosto de 1989. A carta e o debuxo son da autoría do pintor Mario Fernández Granell, que as realizou ao pouco de enterarse da morte do seu amigo Urbano Lugrís. Agradecer o laborioso traballo de investigación do noso compañeiro Xabi.
Que medren os pequenos tesouros atopados!
A Xunta incoará o expediente para a declaración como BIC do mural de Lugrís na rúa Real
Ana Badía e Marcos Samaniego. Foto de Pedro Puig. El ideal gallego. 18.01.2014.
A Xunta de Galicia anunciou que incoará o expediente administrativo, iniciado pola asociación cultural O Mural, para a declaración do mural de Urbano Lugrís ubicado na rúa Real da Coruña como ben de interese cultural (BIC).
A solicitude
formal para que a Dirección Xeral de Patrimonio da Xunta declarese ben
de interese cultural o mural foi presentado pola asociación o
28.06.2013. Ante a falta de resposta nos meses seguintes, O Mural
solicitou unha entrevista coa responsable de este departamento, María
del Carmen Martínez, para coñecer o estado do expediente.
A reunión
celebrouse en San Caetano o 16.12.2013 ás 13:00 horas e nela a directora
xeral comunicou a asociación O mural que o informe técnico necesario
era favorable polo que, a volta de Nadal, o DOGA publicaría a incoación
do expediente administrativo para a declaración do mural como Ben de
Interese Cultural.
Trátase
dunha noticia “excelente” xa que dende a publicación no DOGA o mural de
Lugrís estará, por primeira vez, protexido pola lexislación.
Así se
recolle no artigo 10.3 da Lei do patrimonio cultural da comunidade
autónoma de Galicia: A incoación dun expediente para a declaración dun
ben de interese cultural determinará, respecto ao ben afectado, a
aplicación inmediata e provisional do réxime de protección previsto na
presente Lei para os bens xa declarados. No caso de bens inmobles,
ademáis, será de aplicación o estipulado no artígo 35.1 da presente Lei.
A Directora Xeral de Patrimonio valorou os argumentos e as fundamentacións da solicitude presentada, e recoñeceu que sen esta iniciativa liderada pola Asociación O Mural a Xunta de Galicia non tería dado este paso.
A Directora Xeral de Patrimonio valorou os argumentos e as fundamentacións da solicitude presentada, e recoñeceu que sen esta iniciativa liderada pola Asociación O Mural a Xunta de Galicia non tería dado este paso.
A nova a trataron, entre outros, estes medios:
(Pode premer sobre o nome do medio para acceder á noticia)
A Xunta de Galicia anunciou que incoará o expediente administrativo, iniciado pola asociación cultural O Mural, para a declaración do mural de Urbano Lugrís ubicado na rúa Real da Coruña como ben de interese cultural (BIC)
A solicitude formal para que a Dirección Xeral de Patrimonio da Xunta declarese ben de interese cultural o mural foi presentado pola asociación o 28.06.2013. Ante a falta de resposta nos meses seguintes, O Mural solicitou unha entrevista coa responsable de este departamento, María del Carmen Martínez, para coñecer o estado do expediente.
A reunión celebrouse en San Caetano o 16.12.2013 ás 13:00 horas e nela a directora xeral comunicou a asociación O mural que o informe técnico necesario era favorable polo que, a volta de Nadal, o DOGA publicaría a incoación do expediente administrativo para a declaración do mural como Ben de Interese Cultural.
Trátase dunha noticia “excelente” xa que dende a publicación no DOGA o mural de Lugrís estará, por primeira vez, protexido pola lexislación. Así se recolle no artigo 10.3 da Lei do patrimonio cultural da comunidade autónoma de Galicia:
- A incoación dun expediente para a declaración dun ben de interese cultural determinará, respecto ao ben afectado, a aplicación inmediata e provisional do réxime de protección previsto na presente Lei para os bens xa declarados. No caso de bens inmobles, ademáis, será de aplicación o estipulado no artígo 35.1 da presente Lei.
A Directora Xeral de Patrimonio valorou os argumentos e as fundamentacións da solicitude presentada, e recoñeceu que sen esta iniciativa liderada pola Asociación O Mural a Xunta de Galicia non tería dado este paso.
Piden que el mural de Lugrís sea declarado bien de interés cultural.
La solicitud presentada a la Xunta incluye un estudio sobre su estado
Nueva iniciativa para salvaguardar el mural de
Urbano Lugrís que se encuentra en la cafetería Vecchio de la calle Real.
Esta vez procede de la asociación cultural O Mural, que «ven
de presentar ante a Dirección Xeral de Patrimonio Cultural da Xunta en
Santiago de Compostela unha solicitude para iniciar o expediente
administrativo para a declaración de ben de interés cultural (BIC) do
mural do pintor Urbano Lugrís ubicado no número 74 da rúa Real da
Coruña». Esto anunciaron ayer desde la asociación cultural, argumentando que dicha declaración «suporía
a garantía da máxima protección, xa que arestora a súa conservación
depende da boa vontade dos propietarios e usuarios do inmoble», argumentan desde la entidad.
La solicitud presentada va acompañada de un
estudio que detalla el estado del mural, trabajo que fue realizado en el
año 2010 por el restaurador Daniel Pousa. La presentación de la
solicitud ante los responsables de Patrimonio supone, según sus
impulsores, «o inicio dunha senda que confiamos non se restrinxa unicamente ó mural do Vecchio».
Además, esperan que se pueda ampliar este tipo de protección a otros
murales que el artista dejó pintados en diversos lugares de Galicia,
desde Malpica a Santiago o Vigo. Desde O Mural indicaron que «ante
a falta de iniciativa política para iniciar este procedemento, cremos
que a sociedade civil debe tomar a iniciativa e elixir a recuperación
destes murais».
Esta no es la única iniciativa que ha puesto en marcha la asociación cultural O Mural, ya que además de la misma «seguirá
colaborando coa asociación In Nave Civites na organización, un ano
máis, do día Lugrís para reivindicar o legado de Lugrís, un océano
máxico, cheo de historias e de misterios inmortalizados para sempre en
debuxos, cadros e murais», un acto que incluye la visita a los principales murales de la ciudad.
Urbano Lugrís: o mural no Vecchio
Semanas atrás prensa local informaba dos problemas de conservación do mural de Urbano Lugrís na cafetería Vecchio da rúa Real coruñesa.
Este pintor, do que xa vos teño dado conta en INICIARTE fantástico libro o Luis Rei Núñez "O señor Lugrís e a negra sombra"),
ten bastantes murais en bares e igrexas da cidade. Foi un
exdtraordinario pintor (o artista do mar), gran bebedor, probablemente
mal marido e peor administrador das súas finanzas. Teño por el unha
grande admiración. Mirade o estado do mural en cuestión.
Podemos apreciar as zonas sen pintura e que serán imposibles de recuperar.
Claramente aprécianse as pingas deixadas por unha taza con chocolate no mural.
É tan urxente a actuación sobre esta obra que mesmo conta cun grupo reclamándoa no Facebook.
No Museo de Belas Artes da Coruña pódese ver o mural "Vista da Coruña, 1830"; unha obra que Lugrís pintou na parede da casa dun familiar en Madrid e que agora volta á Coruña. Trala benvida ao mural coa oda A Arribada, composta especialmente para ocasión. Logo dela, interpretouse esta fermosa canción, o imno do Colectivo Literario In Nave Civitas Lugrís, toda unha homenaxe ao mesmo Urbano Lugrís e a cidade barco, A Coruña.
"Vista da Coruña, 1830" de Urbano Lugrís.
Urbano, Urbano,
Urbano Lugrís (bis)
quen pintou o mar,
soños dun País!
Ulyses, Ulyses
Ulyses Fingal (bis)
pintando a Marola
mudou todo o mar.
Acerico das sereas;
cosen as rendas do mar
cosen as rendas do mar
con fíos de lúa chea
Teño unh-a pedra coral,
Téñoa n-a miña poutada
Téñoa n-a miña poutada
Nena, que andas no areal
Urbano, Urbano,
Urbano Lugrís (bis)
quen pintou o mar,
soños dun País!
Ulyses, Ulyses
Ulyses Fingal (bis)
pintando a Marola
mudou todo o mar.
Canción creada e arranxada por
Moncho do Orzán e Rodrigo Osorio.
A institución cultural proporciona un novo emprazamento permanente ao mural, ‘Vista da Coruña 1830, que pintara o artista nunha vivenda de Madrid
Ven, 20/12/2013 - 20:44
A Consellería de Cultura, Educación e Ordenación Universitaria, a través do Museo de Belas Artes da Coruña, colabora na posta en valor de Urbano Lugrís coa apertura dun novo espazo especificamente deseñado para situar de xeito permanente o mural ‘Vista da Coruña 1830’ que o artista galego realizou no ano 1959 na casa madrileña dos seus familiares, os Lugrís-Muñoyerro.
A imaxe permaneceu no domicilio ata finais dos oitenta, no que foi doada polos irmáns Lugrís Alonso-Muñoyerro ao Ministerio de Cultura, que acordou o seu traslado ao Museo de Belas Artes. Esta institución museística foi a responsable da súa restauración, de xeito que o seu estado de conservación actual da peza pode cualificarse de moi bo. A obra reviste unha especial importancia ao tratarse dun dos poucos murais que se conservan en coleccións públicas e que vai a estar exposto dun xeito permanente.
Neste enlace pódese ver o mural:
http://museobelasartescoruna.xunta.es/index.php?id=70&idc=2395
Fonte: http://www.edu.xunta.es/web/node/11404
A imaxe permaneceu no domicilio ata finais dos oitenta, no que foi doada polos irmáns Lugrís Alonso-Muñoyerro ao Ministerio de Cultura, que acordou o seu traslado ao Museo de Belas Artes. Esta institución museística foi a responsable da súa restauración, de xeito que o seu estado de conservación actual da peza pode cualificarse de moi bo. A obra reviste unha especial importancia ao tratarse dun dos poucos murais que se conservan en coleccións públicas e que vai a estar exposto dun xeito permanente.
‘Vista da Coruña 1830’
A obra, cunhas dimensións de cento vinte e un por douscentos vinte centímetros e realizada en temple sobre xeso, representa unha vista fabulada e en formato panorámico da cidade da Coruña, co aspecto que esta idealmente tería no ano 1830. A perspectiva urbana que se nos presenta corresponde á fachada portuaria, resaltando de forma onírica os elementos máis representativos: a Torre de Hércules ao fondo de cor rosa, a cidade vella con casas xeométricas de distintas cores, e a baía co Castelo de Santo Antón e, na súa contorna, distintas embarcacións.Neste enlace pódese ver o mural:
http://museobelasartescoruna.xunta.es/index.php?id=70&idc=2395
Fonte: http://www.edu.xunta.es/web/node/11404
O IV Día Lugrís comezará no Adro do Museo de Belas Artes da Coruña ás 18:00 horas.
18:00-18:45 (No adro do Museo de Belas Artes da Coruña) xuntarémonos
para decorar paraugas con motivos mariños e lugrisáns cos que logo
percorreremos as rúas coruñesas.
19:00-19:45: (A recalada do mural) Recepción poética do mural de Urbano Lugrís "Vista da Coruñá 1830, de Urbano Lugrís" Que o Museo de Belas Artes exhibirá por vez primeira ao público ese día.
20:00-21:00 (Manifestación atlántica) Cos paraugas decorados abertos e desde o Museo de Belas Artes da Coruña a praza Sellier (Rúa Real, Obelisco, Cantóns. Rúa Estrela, Rúa Manteleria, Rúa Santo André e Praza Sellier) percorrendo algúns dos lugares da vida do gran artista do mar, visitando os murais que se conservan e o grafiti que fai un ano fixo Outón na rúa Manteleria.
21:00-22:00 (A habitación do vello mariño) Praza José Sellier: recital artísitico na memria do Noso Señor Lugrís.
Convídase a todas as persoas a participar en calquera ou todos os actos organizados para ese día.
Acudan cos seus paraugas, pinturas, buguinas, vieiras e o espíritu morno e mítico da obra de Urbano Lugrís.
19:00-19:45: (A recalada do mural) Recepción poética do mural de Urbano Lugrís "Vista da Coruñá 1830, de Urbano Lugrís" Que o Museo de Belas Artes exhibirá por vez primeira ao público ese día.
20:00-21:00 (Manifestación atlántica) Cos paraugas decorados abertos e desde o Museo de Belas Artes da Coruña a praza Sellier (Rúa Real, Obelisco, Cantóns. Rúa Estrela, Rúa Manteleria, Rúa Santo André e Praza Sellier) percorrendo algúns dos lugares da vida do gran artista do mar, visitando os murais que se conservan e o grafiti que fai un ano fixo Outón na rúa Manteleria.
21:00-22:00 (A habitación do vello mariño) Praza José Sellier: recital artísitico na memria do Noso Señor Lugrís.
Convídase a todas as persoas a participar en calquera ou todos os actos organizados para ese día.
Acudan cos seus paraugas, pinturas, buguinas, vieiras e o espíritu morno e mítico da obra de Urbano Lugrís.
Medre o mar!
O próximo sábado día 21 de decembro conmemorarase por cuarta edición o día de Urbano Lugrís mais desta volta será unha festa grande porque se celebra tamén o reencontro da cidade cun novo mural do artista, “Visión da Coruña, 1830” pintado nunha parede de Madrid.
Organizado polo colectivo literario In Nave Civitas xunto coa Asociación de Escritores e Escritoras en Lingua Galega e do Museo de Belas Artes, e Asociación O Mural, todo isto tripulado por Xurxo Souto, o sábado 21 de decembro conmemorarase na Coruña o IV dia de Urbano Lugrís cunha “Arribada” aberta a toda a cidadanía.
Preséntana como o “reencontro da cidade da Coruña cunha grande obra do pintor do mar” que se poderá ver no Museo de Belas Artes. Trátase de “Visión da Coruña, 1830”, un mural que Lugrís pintou na parede da casa dun familiar en Madrid e que só agora retorna á Coruña, a cidade protagonista da obra.
In Nave Civitas organiza para ese día, despois das seis da tarde, unha celebración para a que trasladará o seu “obradoiro de paraugas pintados” ao adro do museo. No interior, o poeta do Bierzo Rodrigo Osorio recitará a oda “A Arribada” para lle dar o recibimento ao mural A seguir, as persoas participantes desfilarán en “manifestación surrealista” polas rúas da Pescadería até a Praza de Sellier, lugar no que un recital poético festexará o retorno da obra de Lugrís á cidade da Coruña.
O reencontro da cidade da Coruña cunha grande obra do pintor do mar, que a partir do vindeiro dia 21 de decembro poderá ser contemplada no Museo de Belas Artes.
Falamos de “Visión da Coruña, 1830”. Un mural que Urbano Lugrís pintou na parede da casa dun familiar en Madrid, e que agora, tras un longo proceso de restauración e consolidación, vai ser exposto para solaz dos ollos de todos nós.
Para significar tan feliz evento, ese mesmo día, In Nave Civitas, a partir das seis da tarde, trasladará o seu obradoiro de paraugas pintados ao propio adro do museo.
Xa no interior, o poeta berciano Rodrigo Osorio dará a benvida ao mural coa oda A Arribada, composta especialmente para ocasión.
De seguido marcharemos cos paraugas, en manifestación surrealista, polas rúas da Pescadería até a Praza de Sellier, onde se realizará un recital poético aberto a todos aqueles que queiran participar coa súa palabra neste feliz retorno dunha obra Urbano Lugrís á cidade da Coruña.
Medre o Mar !
(O obradoiro de paraugas pintados, como todos os actos deste IV Día Lugrís, é tamén absolutamente aberto; prégase que quen a tiver acuda cunha corna mariña para axudar a encher de sons atlánticos esta xornada).
Saúde e Oceáno!
Pasaban pola rúa Mantelería algo cansos e suorosos: e cando pasaron pola Estrela, viron unha formigoneira preto do mural de Outón e teméronse o peor.
Achegáronse ao sitio e viron o que indican as fotos, a destrucción case total do mural. Ana entrou, estivo falando cos obreiros, éstes lle pasaron ao móbil ao capataz (que lle comentou que lle dera moita pena ter que destruir a pintura de Outón para facer a obra) pero que nos cedería o único que se consevaba enteiro: a porta de ferro.
Despois de cargar con ela ata casa (vivan os teitos altos dalgunhas casas da Coruña) agora temos a porta na entrada .
Unha triste historia surrealista innavecivitiana!
Medre o mar!
O como di a nosa porta "e o Mar"
Ana e Ro
Pasaban pola rúa Mantelería algo cansos e suorosos: e cando pasaron pola Estrela, viron unha formigoneira preto do mural de Outón e teméronse o peor.
Achegáronse ao sitio e viron o que indican as fotos, a destrucción case total do mural. Ana entrou, estivo falando cos obreiros, éstes lle pasaron ao móbil ao capataz (que lle comentou que lle dera moita pena ter que destruir a pintura de Outón para facer a obra) pero que nos cedería o único que se consevaba enteiro: a porta de ferro.
Despois de cargar con ela ata casa (vivan os teitos altos dalgunhas casas da Coruña) agora temos a porta na entrada .
Unha triste historia surrealista innavecivitiana!
Medre o mar!
O como di a nosa porta "e o Mar"
Ana e Ro
Vista da Coruña,1830, de Urbano Lugrís.
(Trátase dun mural que o pintor do mar fixo nunha parede dun piso duns
familiares seus en Madrid. Cando estes venderon o piso tiveron a
sensibilidade e xenerosidade de doarlo e hoxe está no depósito do Museo
de Belas Artes da Coruña. O 21.12.2013 despois do traballo
necesario para poder exhibirlo ao público o Museo o presentará en
sociedade por vez primeira dentro das actividades do IV día Lugrís. — en Museo De Belas Artes Da Coruña.)
O colectivo In Nave Civitas Lugrís e a asociación cultural O mural celebran o IV Día Lugrís para lembrar e honrar a memoria do Noso Señor Urbano Lugrís:Programa:
(Aínda provisional en canto ás horas)
18:00-18:45 (No adro do Museo de Belas Artes da Coruña) xuntarémonos para decorar paraugas con motivos mariños e lugrisáns cos que logo percorreremos as rúas coruñesas.
19:00-19:45: (A recalada do mural) Recepción poética do mural de Urbano Lugrís "Vista da Coruñá 1830, de Urbano Lugrís" Que o Museo de Belas Artes exhibirá por vez primeira ao público ese día.
20:00-21:00 (Manifestación atlántica) Cos paraugas decorados abertos e desde o Museo de Belas Artes da Coruña a praza Sellier (Rúa Real, Obelisco, Cantóns. Rúa Estrela, Rúa Manteleria, Rúa Santo André e Praza Sellier) percorrendo algúns dos lugares da vida do gran artista do mar, visitando os murais que se conservan e o grafiti que fai un ano fixo Outón na rúa Manteleria.
21:00-22:00 (A habitación do vello mariño) Praza José Sellier: recital artísitico na memria do Noso Señor Lugrís.
Convídase a todas as persoas a participar en calquera ou todos os actos organizados para ese día.
Acudan cos seus paraugas, pinturas, buguinas, vieiras e o espíritu morno e mítico da obra de Urbano Lugrís.
Medre o mar!
"O Berro Mollado" de Pablo Outón. O sábado 22 de decembro no III Día Lugrís, formando parte do colectivo In Nave Civitas Lugrís nunha "cuchipanda lugrisiá".
"Menos derrotismo e máis surrealismo"
Os espíritos de Antón Avilés de Taramancos e Urbano Lugrís estiveron con nós toda a fermosa xornada vivida. Toda unha homenaxe Grafiteira e cantareira e surrealista no centro dos pasadelos da cidade barco A Coruña.
O Burato do Inferno de Urbano Lugrís
Continuando co día da Acción Lugrís no Borrazás temos aquí o fermoso poema A xeito de limiar TRANSFUSIÓN OCEÁNICA poema Escrito o 5 de decembro de 2011 por Xosé
Iglesias, natural de Cee. Patrón do Primeiro Villar que amarra no peirao de
Oza, na Coruña.
Xosé
Iglesias:
A xeito de limiar
TRANSFUSIÓN OCEÁNICA
Eu, creo que sou humano reconvertido,
e sinto, que nalgún momento
sufrín transfusión oceánica,
porque esta sangue do meu corpo
non é sangue, é sangue salgada.
Sinto tamén que sufrín metamorfose,
non é nariz a miña senón proa,
non son brazos os meus senón amuras
e as miñas costelas cadernas…
Todo min forma un esqueleto naval.
E esa barriga que se afunde no mar
estabilidade contras as ondas de costado.
Son humano, son barco, son tantas cousas.....
Eu, creo que son árbore, porque sempre me chove,
sempre me venta, sempre me dá o sol.
tamén creo que sou paxaro, porque os peixes
venme voar entre as ondas, e subo, baixo,
fago siluetas acrobáticas ou simplemente voo raso.
Así me ven, un paxaro voando no océano…
Miran cara enriba, e alí estou coa proa,
as amuras, a popa, a barriga, o eixe…
Eu son mariñeiro, e o mar móllame a alma,
salinízame e golpéame o corazón.
e eu, non podo facer máis nada,
senon ser árbore, ser barco, ser paxaro...
en serio, nada podo facer,
NADA, PORQUE MARIÑEIRO SOU.
TRANSFUSIÓN OCEÁNICA
Eu, creo que sou humano reconvertido,
e sinto, que nalgún momento
sufrín transfusión oceánica,
porque esta sangue do meu corpo
non é sangue, é sangue salgada.
Sinto tamén que sufrín metamorfose,
non é nariz a miña senón proa,
non son brazos os meus senón amuras
e as miñas costelas cadernas…
Todo min forma un esqueleto naval.
E esa barriga que se afunde no mar
estabilidade contras as ondas de costado.
Son humano, son barco, son tantas cousas.....
Eu, creo que son árbore, porque sempre me chove,
sempre me venta, sempre me dá o sol.
tamén creo que sou paxaro, porque os peixes
venme voar entre as ondas, e subo, baixo,
fago siluetas acrobáticas ou simplemente voo raso.
Así me ven, un paxaro voando no océano…
Miran cara enriba, e alí estou coa proa,
as amuras, a popa, a barriga, o eixe…
Eu son mariñeiro, e o mar móllame a alma,
salinízame e golpéame o corazón.
e eu, non podo facer máis nada,
senon ser árbore, ser barco, ser paxaro...
en serio, nada podo facer,
NADA, PORQUE MARIÑEIRO SOU.
Escrito o 5 de decembro de 2011 por Xosé Iglesias, natural de Cee. Patrón do Primeiro Villar que amarra no peirao de Oza, na Coruña.
O escultor das Eiras é un poema Xosé Iglesias adicado a unha pedra percebeira
das moitas que cubren os perfis da Torre de
hercules. O escribiu mentres escoitaba musica de Yann Tiersen que lle lembraba con ese piano o repicar dun martelo
nas rochas. Cando fala dun escultor esta claro que é
unha metáfora, xa que é o propio mar o que esculpe esas pedras
cada día.
Xanrei, por Roberto da Librería Sisargas
(Debuxo inspirado no tango de José Biobardi)
Habitación do vello mariñeiro
Bar Borrazás (rúa do Orzán, A Coruña)
Presentación atlántica (e mundial) d´A marea no Xanrei do tanguero -probablemente coruñés- José Biobardi. Música: Xurxo Souto. Intéprete: Nacho López.
A MAREA NO XANREI
Eu varado no Xanrei
agardo por miña amada,
baixo a luz do albor,
nesta rocha fronteiriza
entre o meu mundo e o seu
na que vivimos os dous
unha hora cada día,
unha pinga no eterno,
antes de saír o sol.
Na que bailamos ben xuntos
e nos amamos a modo
antes de saír o sol.
Retrouso:
Sube coa lúa
a melancolía
preamar ás oito
-anunciaba o diario.
A máis afouta onda
móllame o corazón
móllame o corazón
que se torna pesado.
Ninguén aprobou o noso,
advertíronnos ben cedo
que cerca estaba o final:
"Nunca un home mariño
e unha mariscadora
xuntos poderán vogar!"
Pero todos estes meses
de soñar e bailar xuntos
foron quen de me enganar
crin que dúas vontades
lonxe de todo prexuizo
poden vaciar o mar.
(Retrouso)
Onte non veu á cita
e a ausencia sen aviso
confirmoume o peor
que o seu bico doutro día,
un trebón nas nosas bocas,
anunciábame o adiós,
o naufraxio das linguas,
o pique da miña vida,
a quebra do corazón,
o afundimento de todo
o garete das palabras
a deriva do aló.
(Retrouso)
Grazas ao esforzo e teima do noso compañeiro do Colectivo In Nave Civitas Lugrís Rodrigo Osorio podemos disfrutar hoxe en día deste Tango galego tan pegadizo.
Rodrigo Osorio:
José Biobardi foi un coñecido cantante de tangos bonaerense que na década dos vinte competiu en xusta lid con Gardel polo cetro de rei do tango, a súa querencia pola bohemia e o hampa, e o seu nulo control das súas máis baixas pasións fixerónlle ser moito mellor cantante, autor e intérprete que Carlitos pero menos de fiar para as compañías discográficas, polo que hoxe é un descoñecido do que só disfruta un selecto grupo de melómanos sibaritas.
Rodrigo Osorio:
José Biobardi foi un coñecido cantante de tangos bonaerense que na década dos vinte competiu en xusta lid con Gardel polo cetro de rei do tango, a súa querencia pola bohemia e o hampa, e o seu nulo control das súas máis baixas pasións fixerónlle ser moito mellor cantante, autor e intérprete que Carlitos pero menos de fiar para as compañías discográficas, polo que hoxe é un descoñecido do que só disfruta un selecto grupo de melómanos sibaritas.
Biobardi
morreu, como non podía ser doutro xeito, nunha liorta nun modesto
lupanar, hoxe visitado por moitos dos seus seareiros.
Aquilino
Fernández Artelo no breve ensaio As orixes galegas do tango
(Imprenta de la Universidad Nacional de Buenos Aires, 2003). sostén
que “Biobardi” era un falso apelido pseudo italián que usou un
inmigrante coruñés, Xosé Falperra, como nome artístico na escea
porteña. Baseaba a súa tese no falso lunfardo que adoitaba empregar
Biobardi nas súas letras, plagado de galeguismos (por exemplo o
“asiña”, empregado na súa coñecida milonga “Tango y
medio”), na testemuña dalgún dos seus veciños e no ruxerruxe de
que José levaba tatuada unha Torre de Hércules no peito.
O
número 17 da revista arxentina A media luz ven de publicar A
marea no Xanrei, de José Biobardi con este texto explicativo das
circunstancias do seu achado:
O
texto que hoxe publicamos apareceu escrito no reverso dunha factura
de alugueiro dentro dun exemplar de Romancero gitano cheo de
anotacións feitas pola man do gran tanguista José Biobardi. A
lingua na que está escrito é, como saberán a maioría dos nosos
lectores, galego o que semella confirmar as recentes teorías sobre a
orixe española do célebre tanguista, (...)
A
aparición destes versos semella confirmar (como di o redactor de A
media luz) a hipótese defendida por Fernández Artelo. O tanguista
escribía as cancións primeiro en galego e logo as vertía ao
español deixando algunhas verbas da súa lingua materna que pasaron,
por obra e graza da sona que os seus temas tiveron no seu tempo, ao
lunfardo. A referencia ao Xanrei so pode confirmar a súa orixe
coruñesa pois ise e o nome dun dos cons máis saudosos da costa da
Coruña.
Subscribirse a:
Publicacións
(
Atom
)
Lugrís
Acerca de min
Publicacións populares
-
As irmás e o irmáns enxebres da fala diante do Ideal Room 11/02/2017. O sábado 11 de febreiro a Novísima Irmandade da Fala cruñesa ce...
-
Reinvindincación poético - musical a prol do acceso á beleza. Pola declaración do Mural de Urbano Lugrís do local do antigo Vecchio...
-
VIII DÍA LUGRÍS EN VILABOA E NA CORUÑA O Colectivo Lugrisián In Nave Civitas e a Asociación Cultural O Mural organizan o 21 e o 23 de...
-
O cartaz deste ano é do pintor coruñés Roberto Castro. VII DÍA LUGRÍS 17 DE NADAL DE 2016 O vindeiro sábado, 17...
-
antón aviles de taramancos e urbano lugrís: unha amizade marítima ...
Categorias
"Visión da Coruña
1830"
A Arribada
A Buserana
A Coruña
A Coruña das Irmandades da Fala
A Marea no Xanrei
A Nosa Terra
A Pedra do Altar
A Penela
A Perdiz
A Rabaleira
A. C. Roxín Roxal
Acceso á Beleza
Actividades
Actos
AELG
Aforcamento
Álvaro Cunqueiro
Antón Aviles de Taramancos
Arteixo
As Pedras da Torre
Asociación O Mural
Balada de Los Mares del Norte
Borrazás
Cartaz
Castelo Santa Cruz
Cea Lugrisiá
Celebracións
Chamamentos
Cidade Barco
Colectivo In Nave Civitas Lugrís
Conmemoración
Cultura
Editora Alvarellos
El Ideal Gallego
Encontro Taramancos - Lugrís
Eventos
Experimento Literario
Feira do Libro
Ferrol
Fundaçom Artabria
Galicia
Galipedia
Grafiti
Historia
Homenaxe
III Día Lugrís
Inauguración Mural Lugrís
IV Día Lugrís
José Biobardi
Libro
Lugrís (Ben de Interese Cultural) BIC
Maca Silva
Mágoa
Malpica
Manifestación Atlántica
Manuel María
Mariscal Juan Díaz Porlier
Message in a bottle
Milucho Mariñas
Moncho do Orzán
Monty ambigú
Mural Lugrís
Museo Belas Artes Coruña
Museo de Belas Artes
Música
Nacho López
Nota de Prensa
Novas Prensa
O Berro Mollado
O Grafitti de Outón
O Grelle
O Vecchio
Obradoiro
Os Contos do Mar de Irlanda
Pilar Pérez
Poesía
Praza Sellier
Programa Especial Urbano Lugrís
Rapsodia ao Pintor do Mar
Recital Poético
Recital Poético Salgado
Réquiem por Urbano Lugrís
Rodrigo Osorio
Roteiro
Sermos Galiza
Surrealismo
Taberna A Checa
Teresa Ramiro
Transfusión Oceánica
Urbano Lugrís González
V Día Lugrís
Vecchio
VI Día Lugrís
Viaxe en tren
Video
Vigo
VII Día Lugrís
VIII Día Lugrís
Xabi Maceiras
Xantar Popular
Xosé Iglesias
Xunta de Galicia
Xurxo Gago
Xurxo Souto